| 19.09.2012 | ||
| ||
|---|---|---|
|
(ca) ... d Wildsau diä isch los!!! Nach ämä harte Summertraining mit Tuusige vo Schwedäschritt sind mir extrem heiss gsi uf de Saisonstart und so händ sich 7 topfiti Wildsauä plus euse neui Statistikführer Grisbi und äme hüülende eländ mit rugäweh in Effretikä troffä. Eis grad mal vornä wäg.. wo mir id Hallä gloffä sind isch grad widr klar gsi das mir au i däm Jahr s mit Abstand schönste Team stelläd aber das stat ja au gar nid zur Diskusion! 4 Pünkt müend ane was eigentlich Standart isch i de erstä Rundi. Nu hät dummerwis grad dä Abstiiger uf eus gwartet und dä hät sis erste Spiel locker gunnä. Mir sind aber extrem parat gsi und Rämi Floorball hät sich sinerer sach evtl au biz zu sicher gfühlt. Dä Gegner chan sich bi sim Goali bedanke wo mit gewaltigä Reflex däfür gsorgät hät das es zur Pause nid höcher als 6:1 für d Wildpigs gheisse hät. Defensiv sind mir sehr stark gstandä und Zuäteilig hät fasch immer funktioniert das Rämi nid me als 2 guäti Torchance gha hät. Was nach dä Pause passiert isch wot ich nid unbeding in Wort fasse aber irgendwie komischerwiis so rein per Zuefall stats ca 10min vor Schluss widr 6:6! Da hät euse Coach es Time Out gno und eus gseit mir sölled widr so spiele wie i de erstä Halbziit. Ahaaa!!! Wieso seit er das nid frühner? Guet er isch ja nanig lang Trainer:-) Uf jedä fall händ mir 2min später widr mit 9:6 gführt und dän han ich mir zum 2te mal es Päuseli uf de Strafbank gönnt. Isch aber nüme all zu viel passiert und mir günned de Uftakt mit 10:7 gägä Rämi Floorball. A ja danke Nivin fürs Bier! Im zweitä Spiel wartät dä UHC Elgg uf eus wo mit vielnä neuä Gsichter uftaucht isch. Nach grad mal 2 Sek stats 1:0 für eus was äm Elggemer Harry Potter gar nid gfallä hät. Er schwingt also 2 mal sin Zauberstab und mit 2 wunderschöne Wiitschüss gat Elgg in Front. Mir sind aber di spielstärker Mannschaft gsi und händ au me Chance gha und so sind d Wildsaue mit 4:2 id Pause. Das isch den so biz wiiters hin und här gange und es hät so usgseh als würded mir das na locker über d Rundi schauklä aber us de letschtä Saison sötäd mir eigentlich wüsse das Elgg niä ufgit und so isch es statt 7:4 plötzlich widr 7:6 gstandä. Ich bin natürli au widr schuld dra wil ich widr mal däfür gsorged han das d Strafbank schön warm blibt. Mit letschter Kraft gönd mir i di letschte 2min und de Isatz hät sich glohnt es git Penalty für eus. Nachdäm dä suuber verwärtet worde isch händ mir gmeint ez isch es glofe aber nei Elgg macht namal en Topf. Den händs aber zum Glück keis me druf gleit und so günned mir knapp mit 8:7. So hend mir also es wiiters mal eusi obligatorischä 4 Pünkt zum Saisonstart gha. Ez gilts de Schwung mitnä i di nächst Rundi wo mir uf Benglä und Zürisee träffed. Na paar Usredä Wieso ich so viel Strafe gholt han: Mit so chline Strafbankpause gits kei Muskelkater am nächste Tag, han welä de Bricht schriibä wil ich gwüsst han i de erste Rundi günned mir e 2 mal, bi oft vo eusem Fotograf gfötelät worde wil er diä niä verwütscht hät wo umäränned, d Ziit Stooperin bim Strafbänkli isch hübsch gsi, ab und zuä hät sich uf de Spielerbank Gas bilded und d Luft uf dä anderä siite isch besser gsi und ich han dä anderä welä d Chance gä zum Boxplay üäbä :-) Euäs enfant terrible |
||
|
Autor: Captain Anzahl Zugriffe: 3181 |
||
| zurück | ||
Hier könnte auch Dein Logo zu finden sein!
Werde Sponsor des UHC Wild Pigs Wyland und unterstütze junge Leute im Sport. Kontakt
